被藍秋踢了一腳，那便應下要求，寫BLOG TAG吧！
這個BLOG TAG要寫10項「小確幸」，雖然我始終唔係好get到佢個meaning，唯有寫10樣覺得幸福的事吧！
排序不分先後重要：
(1)可以做地獄兔(因為唔係個個都可以，Karma維持0或負數)
(2)可以繼續做倒蛋公司o既員工(呢樣亦都唔係個個可以，有時，人生太多變數，唔好以為上網咁簡單o既事，點會做唔到；但事實就係，如果你工作好忙或者屋企有好多事情要處理，咁樣你都係會無時間做到倒蛋公司o既員工)
(3)可以食到朋友整o既野食(可能你又會認為，車~~~~~整野食咋嘛，有乜咁大不了；但係，你要諗下，除左你屋企人，其他人係無義務去煮野食俾你食，所以可以食到朋友煮o既野食，係一種幸福黎o既)
(4)我仲未死(等我講清楚o的，世間上有咁多天災人禍，我地生活o係香港，真係算好彩，地震又未震到黎，海嘯又未湧到黎，治安OK，又係一個法治社會，所以我講我仲未死，就係慶幸生活o係一塊福地上面囉)
(5)我仲瞓得(香港地，有好多人患上失眠，除左因為生活壓力大外，其次就係生活得唔開心，我無失眠，仲成日發夢，你話係咪好呢)
(6)我仲食得(唔係個個都食得野架，好多女士要靚，唔食呢樣唔食o個樣，只係望住人地食架咋，所以我講我仲食得，係因為我唔理人地點睇，最緊要自己食得開心囉)
(7)我仲行得(好多上了年紀o既人，膝頭哥成日都有事，行樓梯級完全無力上，因為關節退化，我仲好彩，行樓梯仲頂得住)
(8)我仲玩得(我o既意思係，我個腦仍然有創意，因為要成人諗點樣整蠱人，所以腦內仲有好多唔同o既點子，可以拎出黎同大家玩，等大家一齊開心下)
(9)我仲有父母(你又可能唔知我講乜喇，父母始終有離去o既一日，而我覺得知道呢個道理，唔等於接受，所以好多人o係父母死去之後都好傷心；我慶幸我還有父母在生，我仍然可以當自己係細路仔一個，做好多曳曳o既事；但當父母死去後，到時我唔承認自己已經o係大人都唔得喇)
(10)我仲有我自己o既宗旨(呢個好重要，有自己個宗旨，咁先唔會俾人老點，用自己o既腦袋去衡量事情o既輕重，行自己應該行o既路)
